“JANGKON MA IBANA NAUNG DIBAGABAGAHONA I” dari ROM 1 : 1-7

Minggu, 18 Desember 2022

ADVENT IV

Kotbah:

ROM 1 : 1-7

Thema:

“JANGKON MA IBANA NAUNG DIBAGABAGAHONA I”

 

Syalom…..!!!

Huria ni Tuhan Na Hinaholongan ni Jesus Kristus!

Turpuk Jamita diminggu Advent IV, di enet do sian surat ni Apostel Paulus tu Huria Rom 1:1-7, hujahahon hami ma ditongatonganta laos tangkas ma tapaihut-ihut, songononma didok……

 

Martin Luther manurathon, adong dua ruamng ni halak Kristen na masuk tu surgo,

1.    Halak Kristen masuk tu surgo na mardalan pudi (jalan mundur), ala diida ibana narokko i lam dao sian ibana, molo mardalan mundur, gabe masuk tu surgo. Antar rumit doon ala ingkon pake kaca spion & kernek. Angka sisongonon ima jolma nadipabiarbiar taringot tu upa ni pardosa ima narokko gabe marhamubaon, jala dang piga nasahat.

2.    Halak Kristen na paduahon ima na mardalan jolo, ala diida ibana adong Jesus na paimahon harorona di Surgo, gabe mardalan jolo/maju, manontong jala tajom pamerengonna manatap surgo ala adong Jesus di Surgo.

Sasintongna ingkon songon na paduahon ima hita olo mangulahon hata ni Tuhan i, jala marsihohot pasiding hadosaon, ala tahaholongi Jesus, tung pe Jesus jumolo manghaholongi hita.

 

Huria ni Tuhan Na Hinaholongan ni Jesus Kristus!

Ia turpuk jamitaon, boi ta bagi 3, ima

1.       Parhatobanon Apostel Paulus

2.       Haporseaon ni Apotel Paulus

3.       Asi Ni Roha na jinalo Apostel Paulus

Parjolo sahali, dipungka Ap. Paulus do surat on marhite na patandahon diri na. Didok ibana di surat na on “naposo ni Jesus Kristus” dohot “apostel ni Jesus Kristus”  do ibana (ay.1).

Hata “naposo” di son, na marharoroan do i sian hata Gorik “doulos” na marlapatan “hatoban” (Inggris:slave).

 

Jenis jenis Pelayanan/Panghobasion di Tuhan i:

1)    Panghobasion Na martohonan (Apostel, Pandita, Guru Huria, Evanggelis, Sintua, Diakones) na manjalo tumpangan tangan/dipasu-pasu laho mandalanhon tohonan nai.

2)    Panghobasion ndang martohonan (sipaias gereja, sipalu giring-giring, musisi gereja, song laider, guru koor, guru sikola minggu, majelis gereja, penasehat, Pengawas Harta Benda) naso manjalo tumpangan tangan/ndang dipasu-pasu laho mandalanhon tohonan nai.

Nadua bagian i, secara Alkitabiah datung di sirang, alai sada do i ima Parhobas, Parhalado,Pelayan, Hamba, Doulos.

Antong luhutna do hita pelayan/parhobas/hamba/hatoban/doulos di Tuhan i.

Periksalah, apakah Anda melihat pelayanan Anda sekarang ini sebagai panggilan yang sangat berharga? Apa buktinya?

atau, apakah Anda melihat pelayanan Anda sekarang ini sebagai panggilan hanya untuk numpang ketenaran?

atau apakah Anda melihat pelayanan Anda sekarang ini sebagai jabatan baim di gereja atau di parhutaan?

Tung dihalomohon Ap. Paulus do manjou Jesus Kristus “kurios” (sian hata Gorik, na marlapatan TUHAN, manang TUAN).

Hata “kurios” di hata Gorik manggombarhon pameopon na singkop ni sada halak Tuan tu sahalak hatoban.

Hatoban ima na marhagaleon dingoluna gabe diparhatoban sada tuan ma ibana, jala dang guru diibana be ngoluna alai guru di tuan na i nama. Tuan i ma tuan na berhak dohot nampuna hatoban i, na berhak di ngoluna, nang diulaonna. Boasa?

Alana, hatoban i, nunga dituhor, jala nunga lunas digarar Tuan i.

 

Songon i ma dihaporseai Ap. Paulus,dirina naung ditobus Tuhan Jesus lunas sian gomgoman ni dosa dohot hamatean. Asa, molo digoari ibana dirina “doulos”, jala Jesus Kritus “kurios” , dirajumi Ap. Paulus do dirina “hatoban” ni Tuhan Jesus; Jesus Kristus do Tuan dohot Tuhan, jala nampuna ibana. Dihaholongi Ap. Paulus do Tuhan Jesus, dipelehon ibana do dirina tu Tuhan Jesus. Alani i, ndang dirajumi ibana be dirina ibana nampunasa, alai Kristus nama nampuna ibana.

 

Na Paduahon Haporseaon ni Ap. Paulus taringot tu Jesus ima100% jolma, jala 100% do Tuhan Jahowa Debata

Jesus na 100% jolma sian pardagingon ay 3b, na tubu sian horong ni si Daut, rumang ni hajolmaon i adong di Jesus, alai Jesus ndang mardosa.

Jesus na 100% Tuhan Jahowa, tarida ma i sian na patupahon tanda halongangan, (pamalum na marsahit, namapitung gabe marnida, na pampang gabe mardalan, pasohon alogo & galumbang, aek gabe anggur, 2 dengke dohot 5 roti ganup tu 5000 halak lobi jala teba dope 12 bakkul, pabalihon Legion/begu/sibolis sian daging ni jolma i di Gerasa, pangoluhon naung mate Lacarus),

ü na manggombarhon, sahit i sumurut do maradophon Jesus,

ü hahurangan ni daging dohot sipanganon nang siinumon sumurut do maradophon Jesus,

ü nang portbion sumurut/tunduk do maradophon Jesus,

ü Begu/Sibolis/Legion tandap do mabiar jala tunduk do tu Jesus,

ü na ummangat sahali ima hamateaon i sumurut do tu Jesus ima marrhite naung dipahehe namate, jala ay 4 naung hehe Jesus sian hamatean i (ditaluhon hamatean ai tangkas taboto upa ni dosa do hamatean)

Haheheon-Na i, i ma patumonaan ni hahehehon ni angka naporsea di Ibana.

Hahomion ido diida Ap.Paulus, gabe didok Jesus do Tuhan Jahowa do na gabe daging marhite pamatang jolma.

 

Na Patoluhon, dang margogo hita gabe pelayan-parhobas-hatoban di Tuhan i, molo so tajalo Asi Ni Roha (Kasih Karunia) na sian Jesus Kristus.

Ahado Asi ni Roha (Kasih Karunia) i?

Asi ni Roha i ima silehonlehon/anugrah

Ido na jinalo ni Ap. Paulus gabe marhagogon ibana di panghobasionna.

Jadi dang ala ni gogonta,haboionta, hamaolonta, godang ni silehonlehonta, gabe tarjalo haluaon i, alai Efe 2:8 Ai sian asi ni roha do, umbahen na malua hamu, dalan haporseaon; jala ndada binahenmuna, silehonlehon ni Debata do, 9 Nda tung sian parulaon i, asa unang adong na mamuji diri.

Isedo na patut manjalo Asi  i Roha i?

1.    Angka na di pillit ni Tuhan i (Jesaya, Jeremia, Johanes pandidi, 12 Murid Jesus, Ap. Paulus)

Dipillit Debata hita ndang tu hasangapon na mamunjung, alai tu tanggung jawab na mamunjung do.

2.    ay 6 Angka na jinou ni Jesus Kristus (pemuridtan “Elisa murid ni Elia, Timoteus murid ni Ap.Paulus”)

3.    Efe 8:11 Angka sipelebegu naung tartobus mudar ni Tuhan i (ima Jolma na manjalo Jesus Sipalua jala manghangoluhonsa)

4.    Titus 2:12 (na mansoadahon roha naso daulat, na mansoadahon hisap-hiasp ni tano on, na marparange hatomanon, na marrumanghon hatigoran, dohot hadaulaton) 

5.    Angka na manghaporseai Jesus ( Joh 3 : 16”setiap orang yang percaya kepadanya tidak binasa, melainkan beroleh hidup yang kekal”)

Jesus do na di bagabagahon nai, na mangalehon Asi ni Roha i, jala songon dia do hita manjanghon na di bagabagahon nai?

Panjangkononta di haroro ni Jesus, tarida mai sian:

1.    Na tahangoluhon Panghobasion di ulaon ni Tuhan i, ditikki adong dope hosa hangoluan i.

2.    Jesus ma tatuju jala tapandang tontong di jolonta, mardalan jolo/maju mahita mandapothon Tuhan Jesus, unang ma mardalan mundur.

Amen

Oleh: St. PB Pakpahan,S.Pd