NAENG RO MA ARI NI JAHOWA
Minggu, 13 NOVEMBER 2022
22 Dung TRINITATIS
Jamita:
MALEAKI 3 : 19-24
Thema:
“NAENG RO MA ARI NI JAHOWA”
“Hari Tuhan Akan Tiba”
PELAYANAN DI GKPI PAKPAHAN
RESORT PANGARIBUAN
Syalom…..!!!
Damang dainang Huria ni Tuhan!!
Na gabe impola ni jamita di parsaoranta ditikkion ima “NAENG RO MA ARI NI JAHOWA” jala tajaha ma turpuk jamita ditikkion ima sian Panurirang Maleaki 3 : 19-24, songonon ma didok, jala tangkas ma tapaihut-ihut…..
3:19 Ai ida ma, na ro ma ari na marsigorgor, songon pamurunan, jadi doshon durame sude halak na jungkat dohot halak siulahon hajahaton, gabe marsijembur ma nasida bahenon ni ari na ro sogot, ninna Jahowa Zebaot, ndang adong tadingkononna di nasida nang urat, nang ranting.
3:20 Alai binsar ma anggo di hamu, angka na mangkabiari goarhu mata ni ari ni hatigoran mardongan hahisaron di linggom ni habongna, gabe ruar ma hamu jala panihalnihalon songon anak ni lombu, angka na ruar sian bara.
3:21 Jadi degedegeonmuna ma halak parjahat, ai doshon sirabun nasida sogot ditoru ni palak ni patmuna, di ari sibahenonku, ninna Jahowa Zebaot.
3:22 Sai paingotingot hamu ma patik ni si Musa, naposongki, na hupatolhas tu ibana uju di Horeb tu sandok Israel, angka patik dohot uhum.
3:23 Ida ma, suruanku ma tu hamu panurirang Elia, patujolo ni haroro ni ari ni Jahowa na bolon, jala na songkal i.
3:24 Asa ibana paulakkon roha ni amaama tu angka anakna, jala roha ni angka dakdanak tu amanasida, asa unang ro ahu mangkonahon uhum hamagoan tu tano on.Ido sahtana.
Damang dainang Huria ni Tuhan!!
Sahalak guru mandok tu murid-muridna, “Anak-anak, saya akan ke kantor sekolah sebentar. Saya harap saya tidak akan lama. Saya percaya kalian tidak akan ribut. Kerjakan tugas kalian sementara saya pergi.”
Tikki mardalan; 15 menit, 20 menit, sahat tu 40 menit. Tompu ma ro guru nangkin. Laos ditikki i, si Dorkas mandangurhon penghapus tu si Casio na topek mangkarejohon tugas fisika na. laos ditikki i Molo si Vivo jongjong diginjang ni meja ni guru huhut operenting/ bertingkah. Murid-murid na menaati tu parenta ni guru i tung mancai sonang do di hilala ala nga mulak guru nai, alai molo si Dorkas dohot si Vivohirim do rohana unang be masuk guru nai sahat tu sae les mata pelajaranna.
Naroma Ari Ni Tuhan! Di padan na robi, pandohan on sada pandohan na paingothon jala laos janji ni Tuhan, songon na tajaha nangkin di Maleakhi 3: 19-24. Barita nauli on boi dohonon na denggan manang parungkilon, tergantung ise naumbegesa.
Di gereja, heado taendehon ende songonon:
Sadarion Sadarion Ari ni Tuhan Ari ni Tuhan
Beta hita Beta hita marlasni roha marlas ni roha
Sadarion Ari ni Tuhan Beta hita Marlasniroha
Sadarion Sadarion Ari ni Tuhan…
Huria na ni asian ni Jesus Kristus
Sian ende nangkin, targombar do molo ari ni Tuhan i ima ari nagok las niroha (penuh kegembiraan dan suka cita)
Alai molo tajaha huhut taauhon di rohanta ia turpuk jamita di Maleaki nangkin molo ari ni Tuhan i ima ari namarsigorgor, ala ni ma boima taida molo ari ni Tuhan i adong dua sisi;
Ari ni Tuhan i, boi gabe ari nagok parungkilon.
Ari ni Tuhan i, boi gabe ari nagok las ni roha
Huria na ni asian ni Jesus Kristus
Ari ni Tuhan i, boi gabe ari nagok parungkilon.
Taringot andigan, jala sadihari do masa Ari ni Tuhan i? Holan Jahowa do umbotosa, jala dihatahon Jesus do ianggo tanda-tanda haroro ni Tuhan i uju disukkun siseanna Ibana (Lukas 21:7-19)
Jaga ma hamu so tung lilu hamu! Ai lan do na ro sogot manoluk Goar ni Jesus (panurirang pargabgab)
masa ma angka hamusuon dohot hagunturon
Na hehe do sogot bangso maralohon bangso, harajaon maralohon harajaon (parporangon)
Masa ma lalo angka na bolon (di Aceh Gempa & Sunami tahun 2004 korban jiwa 227.898 jiwa, di Palu tahun 2018 gempa dan LIKUIPAKSI=Tanah Berjalan korban 2.045 orang) angka sahit bala marluatluat (covid-19 naso marnamantak korban di Indonesia meninggal 159.000 jiwa dan seluruh dunia 6,61 juta jiwa meninggal) nang haleon, tarida ma angka panonggoti ro di tanda na balga sian langit.
Sian Pandohan ni Jesus i, molo ari ni Jahowa ima Ari ni Tuhan i na ingkon masa do i, dang adong pembatalan, jala na ingkon ro do i di tingki naung di tontuhon Tuhan i.
Naeng Ro Ma Jesus! di Padan Naimbaru Martua ma angka anak somang i, na dungo dapoton ni indukna di harorona i! Berbahagialah hamba-hamba yang didapati tuannya berjaga-jaga ketika ia datang (Lukas 12:37)
Molo lalap do jolma i, ala ni hagiot dohot hinatabo ni portibion, gabe marhajungkaton, marhajahaton, gabe didok ma Ari ni Tuhan i, ari nagok parungkilon do, ala masa ma tu jolma sisongoni ay 19 ari na marsigorgor, jadi doshon durame sude halak na jungkat dohot halak siulahon hajahaton gabe marsijembur ma nasida, gabe hera sirabun panutungan parjahat i.
Penyiksaan tu angka jolma na so porsea di Tuhan i, naso mangulahon patik dohot hatana, tu angka jolma na manulahi Jesus do Tuhan sipaluai, Penyiksaan tu jolma parjahat, tontu molo Ari ni Tuhan di jolma sisongoni gabe ari na gok angguk badar, parungkilon, dohot parsorion.
Damang Dainang huria na ni asian ni Jesus Kristus Tuhan i, boi do Ari ni Tuhan i, gabe ari nagok las ni roha,
Molo jaga hita, jala dungo
Molo tahabiari goarni Jahowa
Taingotingot jala taulahon Patik dohot uhum ni Jahowa
ay 20 Molo tahabiari do goar ni Jahowa Tuhan i, binsar ma mataniari ni hatigoran mardongan hahisaron (ngolu naimbaru di ari sogot sian arsak marhahisaron tu nagok las ni roha)
Molo tahabiari do goar ni Jahowa Tuhan i, linggoman na ma hita ditoru ni huasona (habongna) marhasonangan situtu, songon anak nimanuk na di ondihon indukna ditoru ni habongna, i nama sonang na, da mintor so siok-siok be.
Jolma na manghabiari goar ni Jahowa Tuhan i, di lehon mandate ay 21 Jadi degedegeonmuna ma halak parjahat, ai doshon sirabun nasida sogot ditoru ni palak ni patmuna,
Molo tahabiari do goar ni Jahowa Tuhan i, marlasniroha situtu (panihalnihalon) songon anak nilombu na na ruar sian bara, na manggombarhon panghilalaan Penuh sukacita, gok las niroha situtu (malua sian gomgoman ni sibolis)
Gabe Ari nagok las niroha do molo tungmasape ari ni Tuhan i di angka jolma ay.22 na paingotingot jala mangulahon Patik dohot Uhum ni Jahowa
Gabe Ari na martua do molo tungmasape ari ni Tuhan i di angka jolma na dungo. Lukas 12 : 37 Martua ma angka anak somang i, na dungo dapoton ni indukna di harorona i!
Damang Dainang huria ni Tuhanta,
molo taulahon Manghabiari goarni Jahowa, jala paingotingot huhut mangulahon Patik dohot uhum ni Jahowa jala, Jaga jala Dungo as unang lilu hita, tung sadihari pe andigan ro Ari ni Jahowa i, gabe ari las ni roha ma di parngoluonna.
Marhagogon ma hita mangendehon:
Sadarion Sadarion Ari ni Tuhan Ari ni Tuhan
Beta hita Beta hita marlasni roha marlas ni roha
Sadarion Ari ni Tuhan
Beta hita Marlasniroha
Sadarion Sadarion Ari ni Tuhan…
Antong jaga ma hita jala dungo, sotung lilu, ai dang piga na martahan jala dang piga nasahat tu inganan na sundenggan i.
Amen
Oleh: St. PB Pakpahan,S.Pd
Komentar
Posting Komentar