PASOHOT MANJAHATI, GURUHON MANGULAHON NADENGGAN
Minggu,
30 Oktober 2022
20
Dung TRINITATIS
Jamita:
YESAYA 1 : 16-20
Thema:
“PASOHOT MANJAHATI, GURUHON MANGULAHON NADENGGAN”
“Behenti Berbuat Jahat, Belajar Berbuat Baik”
PELAYANAN DI GKPI BATUMANUMPAK
RESORT GULTOM
Syalom…..!!!
Damang
dainang Huria ni Tuhan!!
tajaha ma turpuk jamita sadarion ima sian Yesaya 1 : 16-20,
songonon ma didok, jala tangkas ma tapaihut-ihut…..
Ido sahtana.
Damang
dainang Huria ni Tuhan!!
Na gabe impola ni jamita di parsaoranta ditikkion ima “Pasohot Manjahati, Guruhon Mangulahon
Nadenggan”
Lombu tumanda nampunasa,
Halode tumanda Palangkana
Panangga tumanda tuan na
Alai Israel ndang tumanda Amangna.
Songoni ma gombaran haporseaon ni halak Israel
maradophon Jahowa Tuhan i di tikki i.
Bangso na jahat, maradu sude sisik nidagingna bogas ni
pambalbalan ala ni dilinsingi Jahowa (1:5-9)
Ndang adong be naso marbogas pangalinsingan ni
dagingna ia bangso Israel i, ala uhum dohot pangajarion ni Jahowa. Ima na
pinabotohon ni Panurirang Jesaya bin Amos tu halak Israel
Nang di parngoluon ni hajolmaon nuaeng, nga godang
dang mananda Jahowa Tuhan i, gabe gumogo hita magulahon hajahaton.
Damang Dainang Huria na niasian ni Jesus Kristus,
·
dia do rumang ni Hajahaton i?
Adong rumang ni hajahaton na bolon sian bible taon:
1.
Haroan ni Hajahaton
Hajahaton i marharoan sian
roha ni jolma na mardosa Poda 21:10
Hajahaton i sian sibolis
(Johanes 8 :44)
2.
Panghataion nagok hajahaton
Panghataion nagok pamulasion,
sipaotooto, hadoboan jala Hajahaton do di toru ni dilana (Psalmen 10:7)
3.
Pikiran na jahat
Mateus 15 : 19 Ai
sian roha do hehe angka pikiran na jahat, ima pamunuon (songon si Kain na mamunu angina Habel, Songon namasa
nuaeng, si Ferdi Sambo na mamunu ajudanna Brigadir Josua), pangalangkupon (perselingkuhan na tren nuaeng on lewat huta nami
an, adong disi tenda biru (kafe) jala godang disi berambut pirang, didok angka ina, boha
nama i amang pasombuon muna nama disi angka Babi Jalang i? Jadi hudok hami ai
molo Babi dang jalang/dang berkeliaran di lobuna do anggo babi. Antong gabe aha
i, olo ma ra gondit i, ai gondit do molo berkeliaran), harorangon,
(na marhata brangsi ma on) panangkoon ( masa do nuaeng mago anak
ni pinahan sian lobuna, mago tabung gas sampe 20 biji, jabu nahona bongkar), hata gapgap (mambahen berita bohong
manang Hoax) dohot panginsahion
4.
Hasiaran tu arta
Ai urat ni hajahaton do
roha na holongan di hepeng (1 Timo 6:10)
Dang boi hita mangoloi dua
debata, mangoloi tu Debata dohot tu Mamon (Mat 6 : 24)
5.
Hagiot tu naso denggan
1 Joh 2 :16 Ai nasa na
diportibion, ima lomolomo niroha ni daging, giotgiot ni roha ni mata,
manenganengahon sinadongan (pamor harta kekayaan) ndada sian Jahowa i, tung
sian portibion do.
6.
Sarombang dohot portibion
Rom 12:2 (di tuntut do
hita songon halak Kristen asa tapadao angka hagiot ni portibion)
Marhite angka ayat pendukung nangkin, Ianggo rumang ni
hajahaton i, ima di roha ni jolma
ganup do gabe tubu tu pangalaho.
Damang Dainang Huria na niasian ni Jesus Kristus,
Hajahaton na umbolon situtu, ima hajahaton tu dirinta
sandiri.
Ai dang olo hita pataluhon rohanta maradophon pikkiranta
Hajahaton na umbolon situtu, ima hajahaton tu dirinta
sandiri.
Ai dang olo hita manesa dosa ni jolma maradophon hita
nangpe sai tadok ditangiang hatopan i, sesa ma dosa nami songon panesa nami, di
dosa ni dongan na mardosa tu hami. Tu Tuhan ipe hita nga marjahat marhite pargabuson
ditangiang ta.
Huria ni Tuhan Jesus Kristus!!
Sonari tarimangi ma hadirionta ganup.
Boha, parjahat do hita maradophon jolma??
Parjahat do hita maradophon Jahowa Tuhan i??
Molo Parjahat do hita, Sonari didok Jahowa tu hita:
ay 16 Marburi ma hamu, urasi hamu dirimu, paholang
hamu ma hinaroa ni pambahenanmu sian jolo ni matangku, pasohot hamu ma
manjahati
Taburi ma rohanta ai sian rohanta i do nangkin tubu
hajahaton i.
Tauras ma hadirionta asa unang marparbuehon angka
ragam ni hajahaton .
Songon dia do carana amang-inang?
Penyerahan diri tu Jahowa Tuhan i, Titus 3: 5 ai dang ala ni nataula hatigoran
gabe malua hita, alai holan ala asi ni roha-Na sambing do marhite pangulahion
tubu (lahir baru) dohot Tondi Parbadia
na paimbaruhon
Lahir baru (Pangulahion tubu) na marlapatan jolma
na maninggalhon pangalaho ngolu narobi (manusia yang meninggalkan pola dan
kebiasaan hidup lama) dan melakukan firman dan kehendak Tuhan.
Dung lahir baru hita, jala dipaimbaru Tondi Parbadia
hita, ay 17 margogo mahita laho mangulahon jala mambahen nadenggan, (molo dihami an adong do jambar tu sibahen nadenggan di
paradaton, alai dang mardenggan tu dongan tubuna) unang ma sisongoni, jala marbisuk ma hita mangalului uhum, margogo
ma hita mamintori na nirupa, marbisuk ma hita patingkos uhum tu na sopot so
marama, marbisuk ma hita mangondihon angka na mabalu.
Damang dainang huria nan i Asian ni Jesus Kristus!!
Dung lahir baru hita jala mangguruhon huhut mambahen angka
na denggan Jaloonta ma baga-baga ni
Jahowa Tuhan i ima hasesaan ni dosanta nagodang i.
ay 18 ninna Jahowa “Tung sura rara dosamuna songon abit bunga dapdap, bontardo bahenonku
songon itak; nangpe rara songon abit hasumba, gabe songon hapas do muse”
Songonima balga asi ni roha ni Jahowa mida hita jolma
na olo manolsoli hajahatonna jala olo marhamubaon huhut mangulahon angka
nadenggan.
Damang dainang huria na ni Asian ni Jesus Kristus!!
Boha, ringgas do rohanta tumangihon dohot mangihuthon
suara ni Jahowa ditikkion on??
Molo marharinggason do hita, tarjalo hita ma pasu-pasu
na godang i, ai panganonta ma hinadenggan ni gogo ni na taula.
Alai molo marjugul ni roha dope hita jala manjua, jala
mangalo tu suara ni Jahowa di tingkion, Hamatean saleleng nileleng ma marhite
panganon ni podang ma angka jolma naso olo marhamubaon.
Antong Damang dainang huria na ni Asian ni Jesus
Kristus!!
pinaborhat ni asi niroha ni Jahowa ma hita asa “Mansohot ma hita Manjahati, jala ta Guruhon
Mangulahon angka Nadenggan” Amen
Oleh:
St. PB Pakpahan,S.Pd
Komentar
Posting Komentar