Mateius 18:12-14 “Dihalomohon JAHOWA Hamubaonta”

 

 

Minggu, 11 September 2022

13 Dung TRINITATIS

Jamita:

MATEUS 18 : 12-14

Thema: “Dihalomohon JAHOWA Hamubaonta”

Oleh: St. PB Pakpahan,S.Pd

 

Syalom…..!!!

Damang dainang Huria ni Tuhan!!

Ia turpuk jamita diminggunta sadarion ima sian Mateus 18: 12-14 songononma didok, jala tangkas ma tapaihut-ihut………………

 

Damang dainang Huria ni Tuhan!!

Songon impola ni Jamita dihita ima “Dihalomohon Jahowa do Hamubaonta”.

Damang Dainang na dihaholongi niJesus Kristus,

Isedo Parmahan birubiru i (parmahan ni jolma i)?  ima JESUS

Jala molo Jesus digombarhon do dirina tu parmahan  ala ni do molo  Almanak GKPI mulai jongjong GKPI sahat tu tikkion, molo taida di Almanak i halaman 7, adong gombaran ni Jesus mangabing birubiru jala ihut birubiru di pudina Johanes 10:11a Parmahan na denggan do anggo Ahu. (Akulah Gembala yang baik)

 

Damang Dainang na dihaholongi niJesus Kristus,

Biru-biru ima hewan na gale, alani dang dipakke laho mamboan boban songon horbo-hoda-lombu-unta-halode.

 

Isedo birubiru na ni dokna di turpukhon? ima hita JOLMA

(molo jolma do birubiru i, antong nagale do hita songon biru-biru nangkin bahkan unggale sian birubiru i.)

Ala unggale do hita sian biru-biru nangkin, tontu boban parngoluon on ima parsorion, parsahiton, dohot sitaonon na mandondon,  nang dosa dang tolapta mamboan i,  ala ni ma Ingkon parmahan i do bahenon mamboan boban ta i.

    Psalmen 55:23 Sai tu Jahowa ma pasahat parsorion mi: jadi Ibana ma pangoluhon ho,

 Boasa olo birubiru i lilu sian uduran ni birubiru na asing?

1.     Ala diida adong jampalan na lomak ditatap sian uduranna gabe manimbil birubiru i maninggalhon uduranna jala tumondong dalan na sandiri,

2.     Ala mauas, adong diida parguluan gabe laho mandapothon i huhut marsobur disi pasombu uas na.

3.     Dang olo be birubiru i diparmahan na marmahanisa, gabe laho manimbil

4.     Dang dibege be suara ni na marmahanisa.

 

Songoni nang hita jolma, boasa boi hita lilu?

ü Ala ni pangalahonta na jumolo talului jampalan na lomak manang nariingkot dipardagingon ima hamoraon-hagabeon-hasangapon sian mangulahon hata ni Jesus ima parmahan i.

ü Ala ni pola hidupta dohot pola pikirta, nga taboto sala dalan na tabolus i, alai marjugul do hita ingkon mamolus.

huhut diendehon muse ende “Kristen au hape hutondong dalan hamagoan i”. Alai dang adong hamubaon ni roha.

ü Dang ringkot be roha ni jolma i diparmahani Jesus, ujung na laho manomba ganaganaan, manang ugamo naasing, gabe martuhan hon tuhan naso mangolu.

ü Dang tatanda besoara ni ise na marmahani hita i, gabe lalap hita di hagiot ni portibion, lalap ma hita mangulahon dosa dingolunta on.

 

Antong songon dia do au asa uang lilu disisik ni tanoon??

1.     Tangihon dohot nanget  ima soara na manjou ho sian parmahan na tutu i.

Adong do huroa parmahan naso tutu, godang nuaeng on.

2.     Ingkon ma hita mangolu dibagasan parenta/hata/joujou ni parmahan na tutu i.

3.     Dapothon uduran ni birubiru na 99 naso ma go i.

 

Damang Dainang huria na niasian ni Jesus Krsitus,

Dohot do hamu tu horong ni birubiru na 99?

Ciri-ciri nadohot tu birubiru na 99 i, ima Johanes 10:27 Ditangihon angka birubirukku do soarangku jala hutanda do nasida, di ihuthon nasida do Ahu

Boha amang inang, ta tangihon dohot ta ihuthon do Jesus parmahan i?

Mateus 16:24 didok parmahan i, ima Jesus, Nasa na giot mangihuthon Ahu, disodahon ma dirina, diporsan ma silang na tu ibana; di ihuthon ma Ahu.

 

Antong amang, antong inang dang  dohot dope hape au tu punguan ni biru-biru na-99 i, ingkon rajumanta do dihagaleonta songon biribiru na lilu i do pangalahonta dope ima horong birubiru sisadasada i.

Ala ni:

Sai hutondong do dalan hamagoan i.

Sai marakkal dope au, manipulasi tanda tangan mambahen (SPJ), marakkal dope au dipartigatiagon ku, olo dope au manambai-mangorui panghataion gabe manghorhon bada tu dongan.

Sai selingkuh dope amanta tu ina ni halak dohot sebalikna songon raja Daut tu si Betseba.

Sai manakko ugasan ni halak dope ta pakarang-karang

dohot lan nasing angka hadosaon, haramunon na maralo tu hata ni Tuhan i.

 

Damang Dainang na ni Asian ni Jesus Krsitus!

Ala ni ma di Psalmen 51:1-10 epistel nangkin, rodo si Daut mandapothon Tuhan Jahowa, manopoti sude hadosaonna, manopoti sude hasalaanna ay 4 “ias situtu ma au buri sian hajahatonku, jala paias ma ahu sian dosangku”

Ido na rumingkot sian hita di igil Jahowa, asa tatinggalhon ma rumang hajahaton na di portibion,

Mateus 18:14 Suang songonido roha ni Amamuna na di banua ginjang i, ai dipangido do, naeng unang mago agia sada sian na memet on. Unang adong na lilu sian hita apala sada.

Ido na rumingkot sian hita di igil Jesus, asa tabege soara ni namarmahani hita ima soara ni Jesus.

Narumingkot situtu na dihalomohon Jahowa ima hamubaon ni rohanta,

Mulak maho, ihuthon Jesus ai dang tingkos be dalan mi, Pikkiran tai hatop ta pabulus siludapothon Jesus ima parmahan na tutu i.

Di jou JESUS do damang, dainang dohot hita sude,  “jala togihonna ma hita tu angka mual aek hangoluan, jadi apusan ni Debata nasa iluilu sian matanasida. Pangungkapon 7:17b

Sahalak na marhamubaon sian hita pardosa on, sukacita luar biasa di surgo hasonangan i.

Amen.