Jamita: Ulaon ni Apostel 9 : 1-6 “Parjumpangan Dohot Jesus na Paubahon”

Minggu, 24 April 2022

QUASIMONOGENITI

Jamita:

Ulaon ni Apostel 9 : 1-6

“Parjumpangan Dohot Jesus na Paubahon”

Oleh: St. PB Pakpahan,S.Pd

 

Syalom…..!!!

Adong sugkun-sungkun tu hita luhut na damang dainang huria ni Tuhanta,

1.     Ise ma hita naung hea pajumpang dohot Jesus??

2.     Ise ma hita na manghasiholi pajumbang dohot Jesus??

Alai pasti godang do hita na bigung jala ragu, heado au tutu pajumpang dohot Jesus??

Laho mangalusi Sungkun-sungkun I, tajaha ma turpuk jamita sadarion ima sian Ulaon ni Apostel 9 : 1-6, songonon ma didok, jala tangkas ma tapaihut-ihut…..

Ido sahtana.

Damang dainang Huria ni Tuhan!!

Godang do cara ni Tuhan I laho mamanghulingi hita, jala di sepanjang Alkitab, Tuhan heado ro di momen-momen tertentu.

ü  Olo do holan marhite suara Na Tarbege.

ü  Olo do songon Api na manutung semak-belukar alai ndang mosok

ü  Adong do marhite parnipion (si Jakop)

ü  Adong do mar hite Halode na manghatai tu si Bileam

ü  Olo do songon sinondang ni sillam (parjumpaan ni Saulus dohot Tuhan i)

ü  Adong do marhite angka Parsahiton

ü  Adong do marhite angka parungkilon

Adong dua cara parjumpangan dohot Jesus:

1.     Ala naung ditontuhon Tuhan

2.     Ala ni sihol ni roha parbagasan naeng pajumpang dohot Jesus

 

1.     Ala naung ditontuhon Tuhan

Parjumpangan naung di tontuhon Tuhan, adong tujuan ni Tuhan ima misi besar (songon si Musa dohot si Saulus)

 Saulus ima halak Farisi-Jahudi-Pelaku Hukum Taurat, na malo, jala na marhuaso di tikki I, laho manangkup dohot mamunu angka jolma na manghatindangkon Jesus do Tuhan,

Pardosa do si Saulus ala mate ditangnna do sisean ni Jesus namargoar Stefanus na mate di rajam/didangguri dohot batu.

Marsangkap laho tu Damaskus ma si Saulus, ala tarbege disi godang halak Jahudi na manjalo Jesus gabe Tuhan, jala laho manangkup si Petrus dohot si Johanes na pamalum na pampang (bawaan lahir) gabe boi mardalan dohot pabangkit na mate ima si Dorkas gabe mangolu holan mangasahon Goar ni Jesus.

Umbege I angka Farise, Saduse, dohot sintua ni malim I marrapot laho mangalehon huaso tu si Saulus manangkup dohot mamunu bawa dohot borua na manghatindakkon jala na manjou goar ni Jesus.

 

Na sinangkapan nasida i balik do sian na masa.

Hamubaon ni Saulus ima ala ni panjouon langsung sian Jesus, dang marhite angka apostel nasing, manang penginjil nasing, alai nga dirancang Tuhan laho mamillit si saulus gabe apostelna.

Jesus pajumpang dohot si Saulus dengan luar biasa, Marhite sinondang ni hatiuron lobi sian sinondang ni mataniari (Ul Ap 26:13) gabe so boi marnida si Saulus, dungi hagogoon ni dagingna sumurut dang margellok (madabu ibana tu tano ala dang margogo).

Nangpe dibagasan kesederhanaan do Jesus mamanghulingi si Saulus

Saulus, Saulus! Boasa leleanmu Ahu?

Jesus do Ahu, na nileleanmi!

Jesus menggombarhon hadirion na tu rumang ni siseanna na dipaburuburu i.

Damang dainang huria ni Tuhan,

Nangpe hadosaon i mambahen hita holang tu Jesus, alai huaso ni Tuhan manjou si Saulus,

Kebencian ni si Saulus tu goar ni Jesus, dung pajumpang dohot Jesus, Kebencian i berubah gabe Kerinduan ni si Saulus na luar biasa tu Tuhan Jesus.

Tarida ma Parbueni Parjumpangan na sida di gohi dohot tondi ma si Saulus, jala lam margogo situtu ma ibana mamaritahon Jesus do Tuhan i.

Damang Dainang huria ni Tuhan!!

2.     Parjumpangan dohot Jesus ala sihol ni roha parbagsan

Adong ma sada kisah nyata, na manghasiholi parjumpangan tu Tuhan i.

Disada luat adong ma sahalak na mora situtu, asal mula ni hamoraon naon adong do manghasogohon, jala adong do na manghalashon

Di angka na manghaslashon, ba boi marsali jolma tu ibana nangpe bunga pinjaman na balga di bahen, jala ala so targarar ni na maminjam on, gabe di kuras (diangati) ma na maminjam i.

Marnida pangalaho sisongoni gabe adong ma marsogo ni roha tu namora I, jala di juluki pardosa do ibana.

Di sada tikki, tar sarma barita naeng bongot ma Tuhan tu huta nasida i, mancai godang situtu ma jolma laho pajumpang dohot Tuhan i. naeng idaonna Tuhan i.

 

Diketerbatasan ni fisik ni namora i, dihasiholi ibana do naeng mamereng Tuhan i, alai dang boi ala tarlambat ibana dang dapot barisan depan, jala  pendek dopamatangna.

Dang sumurut sihol ni roha nai, na ingkon idaon ni ibana Tuhan i, gabe manjangkit ma ibana tu sada hau, dungi di ida Tuhan i ma upaya ni ibana, gabe didiok Tuhan ima  O Sakeus, hatop ma ho mijur, ai ingkon sorang Ahu tu jabumi sadari on!

Jadi hatop ma ibana mijur; las rohana manjangkon Jesus

 Marnida i angka natorop i marungutungut ma nasida sude, mandok: Na sorang do Ibana hape tu halak sipardosa!

Damang dainang huria ni Tuhanta, parjumpangan ni Jesus dohot si Sakkeus manghorhon hamubaon ima:

Gabe ro ma si Sakeus, didok ma tu Tuhan i: Olo, Tuhan, satonga ni angka artangki ma hulehon tu angka na pogos; jala ia adong na huangati, siopat lompit ma hupaulak.
9 Jadi didok Jesus ma tu ibana: Dapotan tua do pangisi ni jabu on sadari on, ai pinompar ni si Abraham do nang ibana.
10 Ai na ro do Anak ni jolma i mangalului jala paluahon na mago.

 

Damang Dainang huria ni Tuhan!!

Songon dia do parjumpanganta do hot Tuhan Jesus??

Parjumpangan ta dohot Tuhan Jesus:

1.     TUHAN bongot do di angka Pamujion/penyembahan. Tuhan rodo ditingki di Somba/dipuji. Habel menyembah TUHAN dan TUHAN berkenan hadir,

2.     Di tingki Martangiang (piga hali do hita martangiang dibasan sadari)

3.     Ditingki manaringoti Hata ni Tuhan I (Sermon, PA Par Ari Kamis, Umbege Jamita)

Ai anggo pungu dua manang tolu pe marhitehite Goarhu, sai dongananku do nasida. (Mateus 18:20)

 

Ai parroha na ias do na mangaradoti Parjumpangan dohot Tuhan Jesus.

 

Molo na tutu do hita naung pajumpang dohot Jesus,

Tarida ma sian na adong hamubaon:

Ä Kebencian ni si Saulus tu goar ni Jesus, dung pajumpang dohot Jesus, Kebencian i berubah gabe Kerinduan ni si Saulus na luar biasa tu Tuhan Jesus

Ä Parjumpangan ni Jesus dohot si Sakeus (na paanakkhon hepen, na olo mangangat/memeras) gabe didok :Olo, Tuhan, satonga ni angka artangki ma hulehon tu angka na pogos; jala ia adong na huangati (kuperas), siopat lompit ma hupaulak

Ä Naso partangiang gabe na jugul martangiang

Ä Naso olo manjaha bibel/saat teduh gabe dihauashon manjaha bibel/saat teduh

Ä Na jarang marsaor di pamujion gabe urringgas mandohoti pamujion

Ä Na so mardomu gabe mardomu di na marruhut

Ä Parmuruk gabe pengasih

Ä Na ginjang roha gabe marserep ni roha

Ä Mangasangkon hamoraonna gabe Mangasangkon holan Goar ni Jesus

Ä Parjuji/partogel/Parsketer gabe mansohot sian i

Ä Parmabuk gabe mansohot dang parmabuk

 

Ai tarida do hau nadenggan sian parbuena,

Tarida do Jolma i naung Pajumpang dohot Jesus sian Pangalaho na marhamubaon.

Amen.