Jamita: 2 Musa 15: 19-21 “Marende ma di Jahowa”

 

Minggu, 15 Mei 2022

KANTATE

Jamita:

2 Musa 15: 19-21

“Marende ma di Jahowa”

Oleh: St. PB Pakpahan,S.Pd

 

Syalom…..!!!

Damang dainang Huria ni Tuhan!!

Ia turpuk jamita diminggunta sadarion ima sian 2 Musa 15 : 19-21, songononma didok, jala tangkas ma tapaihut-ihut………………

 

Damang dainang Huria ni Tuhan!!

Boasa taendehon nangkin laho mambongoti jamita Ende No 362?

Endehon ende na imbaru di Debata Jahowa i; ima lapatan ni KANTATE goar ni minggunta sadarion.

Marende ima salah satu cara ni jolma laho manggombarhon / mengekpresikan panghilalaan na bagas.

Molo marende na lungun, boi dohonon gombaran panghilalanna gok ma sipikkiran

Molo marende na lasniroha do, boi dohonon gombaran panghilalanna gok las niroha ma parngoluonna.

 

Hagunaan ni  na marende menurut angka napistar tu hahipason ta:

1.       Pamalum Stres (jumlah hormon kortisol/hormon stres) molo dung marende boi gabe moru

2.       Pamagohon mood negatif (ganguan mental, depresi) molo dung rap marende.

3.       Mangorui gejala baby blues (tu angka inanta na simpul pasorangkon dakdanak)

4.       Mencegah Demensia (penurunan daya ingat)

5.       Marende ima inganan naeng marsaor tu dongan

6.       Manambai percaya diri (molo marende ima sada ulaon na denggan laho patuduhon ekspresi ni hadirionta jala meluaphon emosi)

 

Damang dainang Huria ni Tuhan!!

Songonima gombaran na dibolus ni bangso Israel uju malua nasida sian parhatobanan ni Misir ±400 tahun, dung dipaloas Raja ni Misir i bangso Israel ala hogogoon ni Jahowa ima marhite 10 tulah, sahat tu tulah na pasampuluhon na marmatean buha baju ni halak misir, di paloas ma laho bangso Israel i, dung simpul masa berkabung di Misir, ai dipatangkang Jahowa do roha ni Firaun, gabe dilumba ma nasida ala dibereng sahira na sala dalan do anggo bangso Israel laho mulak tu tano Kanaan, molo jalan lurus do di bolus nasida 40 ari sahat do, alai ditogihon Jahowa do nasida mangire-ire laut Teberau gabe 40 taon nasida diparhorsihan i.

Tontu sahali adong sangkap ni Jahowa Debata tu nasida laho menempa, membentuk, mengubah pola pikir hatoban gabe pola piker bangso pilihan/ pemimpin.

 

Di ida si Firaun ma bangso i sahira na sala dalan aturan tu utara do, hape laho tu selatan, dilumba ma marhite 600 hureta, dohot angka na marhoda parsihundulanna.

Ditopi ni laut Teberau, sahera na tarpojok, molo mulak tu pudi sordadu ni si firaun na mangalumba songon ancaman, molo maju laut na bagas di adopan nasida.

 

On ma sangkap ni Jahowa, laho patuduhon huaso na balga i,  tu halak Misir naso olo marsomba tu Jahowa, Marhite si Musa na disuru laho patoltol tungkotna dungi bola ma laut i, jala boi nasida mardalan mardorpihon aek laut disiamun dohot hambirang nasida.

 

Dung taripar nasida tu bariba, anggo si Firaun dohot sordadu na ala ni tangkang ni rohana, di adu do torus sahat tu tonga laut i, di pataridahon Jahowa ma huasona, sumuang ma laut i jala mardomu muse, gabe mate mogab ma sude sordadu ni Misir, huretana, hodana dohot jolma na.

 

Ala malua na sida sian hamatean i, marhite huaso ni Jahowa na balga i, roma si Maryam dibuat ma Odap, ditogihon ma sude parompuan laho marende/marembas ala las niroha na sida, ima ende :”marende ma hamu tu Jahowa, ai marmulia situtu do do Ibana: hoda dohot parsihundulna diusophon tu bagasan laut”

 

Damang dainang Huria ni Tuhan!!

Molo ro parsorion tu hita bohado au laho mandok endehon ende naimbaru di Jahowa?

Molo las ni roha do na masa, boha do mangendehon ende na imbaru di Jahowa?

Ende Naimbaru na didokna, datung na diciptahon lagu lirik baru.

Alai Ende Naimbaru nadidokna ima mangendehon sada ende sian nasa roha dohot sian haporseaon na togu.

 

Molo Hadirion na gok las niroha marmula mai sian, ala malua sian parmaraan, malum sian parsahiton naung leleng dipodomhon, monang iankkon tu parkarejoan na menetap (meraik kesuksesan).

Ta endehon ma ende na imbaru marhite sian nasa roha dohot haporseaon “gok las niroha do au dingolukkon dingolungkon dingolungkon, gok las niroha do au dingolukkon tontong di ngolungkon, mauliate gok las niroha maringan holongmi Tuhan di au …”

Molo Hadirion nagok arsak/parungkilon, marmula sian balikni pangalaho i nagok las niroha nangkin, parsahiton na renge, maol dapot karejo, ianakkon na mangarsahi,

Ta endehon ma ende na imbaru marhite sian nasa roha dohot haporseaon “ Debatangku do donganku nangpe marsitaonon au, Ai Ibana do amanghu, anak haholongan au, pos dorohakki disi Debata do donganki saleleng leleng na i”

 

Damang dainang Huria ni Tuhan!!

Adong do sada ilustrasi namardongan poda didok songonon,

Di sada keluarga, sorang ma dakdanak bawa silinduat, dipagodang godang omakna maon sahat tu na magodang bahkan sahat tu na tammat sian pekuliahan jurusan ekonomi krestif bisnis.

Dung tammat anakna silinduat on, mambukka usaha ma nasida, alai nangpe silinduat marasing do anggo keinginan ni bisnis/tiga-tiga nasida.

Sahalak marbisnis es krim, sahalak nai manjual paying.

Marmula sian usaha kecil-kecilan do nasida.

Marnida ulaon ni nankkon na on, ianggo omak na i, dang lomo rohana marnidasa, ingkon do nian melamar CPNS anakkon na silinduat on didok rohana, ai ido napinarsinta ni rohana.

 

Molo ro udan, sai marhusori ma roha ni omak naon marningot, mabiar ibana gabe dang langku anon tigatiga es krim ni anak na i.

Jala molo tikki las ni ari, tong do marhusori roha ni omak na i, biar rohana dang lakku payung tiga-tiga ni ankkon nai.

Songonima siganup ari panghilalaan i omak nai, dang adong las niro ha di ibana, molo ro las ni ari marssak ibana, molo rope udan tong marsak ibana.

Dang hea mandok mauliate tu Tuhan i di parngoluonna, ala sai holan harugian na do di ida ibana diparngoluonna, dohot di usaha ni ankkon na i, jala dang hea di ida ibana keuntungan i nadua anakkon na i.

 

Damang dainang Huria ni Tuhan!!

Nang hita pe jotjot do songon inanta nangkin, holan mamereng harugian ta di parngoluon on, gabe mambahen hita lupa manghamuliatehon dohot mangendehon hamuliateon tu Tuhan, gabe olo hita merasarugi molo ro tugareja marsaor dohot Tuhan i di parmingguonta, holan ala tutup satongkin usaha tiga-tiganta,

Taingot ma adong do peran besar ni Jahowa dingolunta on, naso tasadari, jadi dang pola porlu hita mamereng harugian do manang dang, alai tongtong ma taendehon ende na imbaru tu Jahowa, ala hagogoonna na mandongan ni hita.

Amen.