ACARA PESTA GOTILON

 

 

GEREJA KRISTEN PROTESTAN INDONESIA (GKPI)

CHRISTIAN PROTESTANT CHURCH IN INDONESIA

Badan Hukum No. 1 Tahun 2004

Terdaftar Dalam Lembaran Tambahan Berita Negara RI No. 13 Tanggal 13 Februari 2004

JEMAAT PAKPAHAN RESORT PANGARIBUAN WILAYAH VI

Sekretariat: Komplek GKPI Pakpahan, Kecamatan Pangaribuan, Kabupaten Tapanulu Utara, 22472

 

 ACARA IBADAH PESTA GOTILON 

DOHOT MANGHAMULIATEHON

DI PANGARAMOTION NI TUHAN JAHOWA

 SALELENG PANDEMI COVID-19

 

PANGARADEON DI BILUT PARHOBASAN

1. ·         Dipalu giringgiring
2. ·         Marende sa ayat sian ende laho jamita
3. ·         Manjaha sa ayat sian Epistel
4. ·         Martangiang

 

I. ACARA IBADAH DI GEREJA

1.    HATA PATUJOLO :

Sadarion tahalashon do holong ni roha ni Debata Jahowa, na tumompa langit dohot portibion, naso hea tumadinghon angka tompaan-Na. Jala na sai tongtong mangaramoti sandok portibion hombar tu sangkap-Na.

Dung sun ditompa Jahowa Debata saluhutna, diaturhon Debata do asa diradoti jolma i saluhut angka na tinompa-Na. Nang pe sipata ndang taargahon angka na tinompa ni Debata, alai tung so marpansohotan do asi ni roha-Na, tung disarihon jala dilehon do sipanganon di tingkina be, jala dilinggomi do hita ditoru ni habong-habongna sian panghorhon ni Covid-19 dibagasan na tolu taon on. Ido na mangonjar rohanta patupahon PESTA GOTILON on, dohot MANGHAMULIATEHON DI PANGARAMOTION NI TUHAN JAHOWA SALELENG PANDEMI COVID-19,huhut manghalashon denggan basa ni Debata. Mandok mauliate ma hamu tu Jahowa, ai pardengganbasa do Ibana, ai ro di salelenglelengna do asi ni rohana.

2.    MARENDE            : No. 11: 1-2

3.    VOTUM                 : (Jongjong Ma Ruas)

Dibagasan Goar ni Debata Ama, dohot Anak-Na Tuhan Jesus Kristus, dohot Tondi Parbadia na manompa langit dohot tano on. Amen

INTROITUS (U=Uluan, H=Huria)

U  : Ditingkir Ho do tano on, jadi sirnip ma, jala gabe situtu.

H  : Gok aek do mual ni Debata, manjadi do eme nasida dibahen Ho, ai songon on do parpaulim:

U  : Sirnip ma angka baruranna dibahen Ho, jadi buruk ma angka golena;

H  : ro muse udan na por, jadi sarge ma, jala dipasupasu Ho do na tubu disi.

U  : Nunga martumpal denggan ni basam partaonan i dibahen Ho, gok miak do angka bogasmi.

H  : Lomak situtu do panjampalan di halongonan, jala marhohos olopolop do angka robean.

U  : Hona tutup do angka panjampalan dibahen birubiru,

H  : angka rura pe dibahen eme;

U  : marolopolop huhut marende do angka nasida. Haleluya

H  : (Mangendehon : Haleluya,  Haleluya,  Haleluya)

TANGIANG INTROITUS

Ale Tuhan, dibagasan roha mauliate, hupuji hami Ho di Pesta Gotilon on dohot Manghamuliatehon di Pangaramotion-Mu dihami Saleleng Pandemi Covid-19. Ho do harooan ni angka pasupasu na mauliutus di sude angka ulaon nami. Ho do najumadihon las ni ari, udan paremean, dohot tano nadenggan, asa tarbahen hami mangula jala mamparsaulihon na hu ula hami. Sipata olo do hami busisaon di angka namanegai suansuanan nami. Alai hodo pangkirimon jala pangarupion di hami. Marsigantung tu hataM do hami: “Angka na marilu-ilu laho manabur, marolopolop do sogot laho manggotil.”  Ala ni do, dibagasan roha mauliate di sude pangaramotion-Mu, naeng parsaulihonon nami ma angka naung hugotil hami marningot hataM na manogihon hami asa tongtong marsibasabasa dohot angka dongan na ringkot siurupan. Anggiat marhite Pesta Gotilon on, saluhutna hamion marningot dia ari gotilon na ro sogot, asa anggiat hami on saluhutna taruli di parbue ni ngolu na manontong sian hau na di porlak-Mi, ala ni Kristus, Tuhan jala Sipalua hami. Amen.

(Hundul ma Ruas)

4.    MARENDE            : 116 : 1

5.    EPISTEL   : Parjamita 2 : 18 -23

18 Jadi marbiasbias rohangku mida saluhut ulaon angka na huhangaluthon di hasiangan on ala ingkon tadingkononku do i di jolma na ro sian pudingku.
19 Jala ise pabotoboto manang halak na pistar ibana manang halak na oto? Hape ibana do gabe tuan di saluhut ulaon angka na huhangaluthon mardongan hapistaran di hasiangan on! Laho salpu do hape nang i.
20 Dung i marbalik ma rohangku naeng marpandelean nian mida saluhut ulaon angka na huhangaluthon di hasiangan on.
21 Ala huida sada jolma, dibahen do nian nasa hapistaranna, parbinotoanna dohot hamaloonna mangaradoti ulaonna, hape ingkon tinggalhononna do i bahen jambar ni jolma na so dung marhangaluton ala ni! Alogo sambing do hape nang i jala hinamago godang.
22 Ai aha na ma parsaulian ni jolma sian sude ulaonna dohot sian domdamdomdam ni rohana taringot tu na hinangaluthonna di hasiangan on?
23 Ai ariari ibana marhangaluton saleleng di ngoluna, jala mardongan hajepolon ulaonna, nang bornginna i ndang marhasonangan rohana. Alogo sambing do nang i.

U  :Martua ma angka na umbege hata ni Debata na umpeopsa, jala na mangulahonsa

H  : Amen

6.    Koor                     : PP-Remaja

7.    MARENDE            : 180 :1 - 2

8.    TANGIANG MANOPOTI DOSA (Jonjong Ma Ruas)

9.    Koor                     : Par Ari KAMIS

10. MARENDE            : 12 :7 - 8

11. PANINDANGION: (Jongjong ma Ruas)

U     : Ale Tuhan nami, tung denggan do saluhutna ditompa Ho dibagasan sangkapmu. Alai, jotjot do hami ndang mandok mauliate di saluhut denggan ni basaM di hami dohot angka na tinompaM di hami Ale Tuhan.

H     : Marpamuati ma rohaM di hami Ale Tuhan.

U     : Ale Tuhan Panompa na marasi Roha, saluhut angka nauli na denggan dilehon Ho do di hami mamungka sian panompaon-Mu. Disuru ho do hami mangaramoti jala mangula saluhut angka na tinompaM. Alai jojot do gabe husegai hami i, jala ndang hupingkiri hami angka parbue ni halangguson ni roha nami i, na gabe manghorhon hasusaan di parngoluon nami.

H     : Marpamuati ma rohaM di hami Ale Tuhan.

U     : Ale Debata Jahowa Panompa na sai tongtong marpamuati, jotjot do hami gabe mamingkiri na ringkot tu dirinami sandiri. Ndang marpanatap hami tu angka na marhahurangan.

H     : Marpamuati ma rohaM di hami Ale Tuhan.

U+H          : Marpamuati ma Ho Ale Tuhan di halembaon nami, ala ni Kristus Tuhan jala Sitobus hami. (Hundul ma Ruas)

12. Koor                     : Ina JUDIKA

13. MARENDE            : 188 : 2

14. RUHUT NINGOLU NA IMBARU SONGON SINGKAT NI PATIK

JESAYA 32: 15-17

U     : Paima diusehon tu hita Tondi sian ginjang, jala manjadi tano bosar halongonan hian, alai anggo tano bosar hian gabe tombak dirajum.

H     : Jadi disi ma nian uhum di halongonan, jala marhabangsa hatigoran di tano bosar.

U+H          : Jadi hadameon ma upa ni hatigoran, jala pangkorhon ni hatigoran hademakon dohot hasonangan salelenglelengna.

U     : Rap mangido gogo mahita sian Tuhan Debata.

U+H: Ale Tuhan Debata sai pargogoi ma hami mangulahon na hombar tu hata-Mi. Amen

15. Koor         : Parende INA

16. MARENDE            : 128 : 1

17. MANGHATINDANGKON HAPORSEAON

(Jonjong ma Ruas)

U     : Tahatindnghon ma haporseaonta I, songon na hinatindanghon ni dongan sahaporseaon di portibion, rap mandok ma hita:

Ahu porsea di Debata Jahowa, I do Ama pargogo na so hatudosan,
na tumompa langit dohot tano.
Ahu porsea di Jesus Kristus, Anak ni Debata Jahowa nasasada i;
i ma na tinubuhon ni si Maria, na gabegabean sian Tondi Parbadia andorang so habubuhan. I do Tuhanta na tumaon na bernit di panguhuman ni si Latus, na mate tarpajal do Ibana di hau pinarsilang, na tuat tu banuatoru dung ditanom, na mulak mangolu di ari patoluhon, na manaek tu Surgo laho hundul tu siamun ni Debata Jahowa,
AmaNa i pargogo na so hatudosan i, disi ma Ibana paima mulak sogot tu tano on
manguhumi halak na mangolu dohot na mate.
Ahu porsea di Tondi Parbadia, jala adong sada Huria na badia, Huria hatopan ni halak Kristen angka na badia, dohot di hasesaan ni dosa dohot di Hata i na mandok: Mulak mangolu do sogot daging ni halak naung mate, dohot di hangoluan na so ra suda. (Hundul Ma Ruas)

18. Koor                     : Parende AMA

19. Berita Jemaat

20. Koor                     : Ama LETARE

21. MARENDE            : 137 : 1+3

22. JAMITA     : JAKOBUS 3 : 13-18

23. MARENDE            : 145 : 1

24. PANDIDION NABADIA / BABTISAN KUDUS

25. MARENDE            : 149 : 1

26. MALUA SIAN PAGKANGKUMI / NAIK SIDI

27. MARENDE            : 187 : 1

28. AYAT PELEAN     : Heber 9 : 14

29. TANGIANG PELEAN

30. MARENDE            : 373 : 1

31. TANGIANG PANUTUP

Ale Amanami na di banua ginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

(HURIA MANGENDEHON ) :        

Ai Ho do nampuna harajaon dohot hagogoon ro di hasangapon saleleng ni lelengna. Amen!

32. PASU-PASU

33. AMEN AMEN AMEN

 

II. RESEPSI MAKAN BERSAMA PESTA GOTILON

Oleh: St. PB Pakpahan,S.Pd

 

	TUHAN JESUS NA MAMASUMASU HITA Syalom!!!